ದೆಹಲಿ ಚುನಾವಣೆ ಫಲಿತಾಂಶ: ಒಂದು ವಿಶ್ಲೇಷಣೆ

2015ರ ಹೈವೋಲ್ಟೆಜ್ ದೆಹಲಿ ವಿಧಾನಸಭಾ ಚುನಾವಣೆಯ ಫಲಿತಾಂಶ ರಾಜಕೀಯ ಇತಿಹಾಸದಲ್ಲಿ ಹೊಸ ಅಧ್ಯಾಯವೊಂದನ್ನು ನಿರ್ಮಿಸಿದೆ. ದೆಹಲಿಯಲ್ಲಿ ಮೋದಿ ಅಲೆಯನ್ನು ಕೇಜ್ರಿವಾಲ್ ಸುನಾಮಿ ಬ್ರೇಕ್ ಮಾಡಿದೆ. ಐತಿಹಾಸಿಕ ಗೆಲುವಿನಿಂದ ದೆಹಲಿಯಲ್ಲಿ ಆಮ್ ಆದ್ಮಿ ಪಕ್ಷ ದೆಹಲಿ ಗದ್ದುಗೆ ಏರಲು ಹೊರಟಿದೆ. ಪ್ರತಿ ಮತದಾರನ ಮನೆ ತಲುಪಿದ್ದ ಎಎಪಿ ಕಾರ್ಯಕರ್ತರು ಜನರ ಮನ ಗೆದ್ದಿದ್ದಾರೆ. 70 ಸದಸ್ಯಬಲದ ವಿಧಾನಸಭೆಯಲ್ಲಿ ಎಎಪಿ 67 ಸ್ಥಾನ ಪಡೆದು ಪ್ರಚಂಡ ಜಯಭೇರಿ ಬಾರಿಸಿದೆ. ಬಿಜೆಪಿ ಕೇವಲ 03 ಸ್ಥಾನ ಪಡೆಯುವ ಮೂಲಕ, ತೀರಾ ಕಳಪೆ ಸಾಧನೆ ಮಾಡಿದೆ. ಇನ್ನು ಸತತ 15 ವರ್ಷಗಳ ಕಾಲ ದೆಹಲಿ ಗದ್ದುಗೆಯಲ್ಲಿ ವಿರಾಜಮಾನವಾಗಿದ್ದ ಕಾಂಗ್ರೆಸ್ ಸಾಧನೆ ಮಾತ್ರ ಈ ಬಾರಿ ಶೂನ್ಯವಾಗಿದೆ. ಇದಕ್ಕೂ ಹಿಂದೆ ನಡೆದ 2013ರ ಚುನಾವಣೆಯಲ್ಲಿ. ಆಮ್ ಆದ್ಮಿ ಪಕ್ಷ 28 ಸ್ಥಾನ ತನ್ನದಾಗಿಸಿಕೊಂಡಿತ್ತು. ಕಾಂಗ್ರೆಸ್ 08 ಸ್ಥಾನ ಪಡೆದಿದ್ದರೆ, ಬಿಜೆಪಿ 32 ಸ್ಥಾನ ಪಡೆದಿತ್ತು. ಆಮ್ ಆದ್ಮಿ ಪಕ್ಷ 28 ಸ್ಥಾನ ತನ್ನದಾಗಿಸಿಕೊಂಡಿತ್ತು. ಈ ಒಂದು ಹಿನ್ನೆಲೆಯಲ್ಲಿ ದೆಹಲಿ ಚುನಾವಣೇಯಲ್ಲಿ ಜಾದೂ ಮಾಡಿದ ಈ ಕೇಜ್ರಿವಾಲ್ ಯಾರು? ಅವರ ಈ ಅಭೂತಪೂರ್ವ ಗೆಲುವಿನ ಕಾರಣಗಳೇನು? ಆಮ್ ಆದ್ಮಿ ಗೆಲುವಿನಿಂದ ರಾಷ್ಟ್ರೀಯ ಪಕ್ಷಗಳು ಕಲಿಯಬೇಕಾದುದೇನು? ಆಮ್ ಆದ್ಮಿ ಪಕ್ಷದ ಮುಂದಿರುವ ಸವಾಲುಗಳೇನು? ಈ ಎಲ್ಲದರ ಕುರಿತಾದ ಒಂದು ವಿಶ್ಲೇಷಣೆ ಇಲ್ಲಿದೆ....

ಕೇಜ್ರಿವಾಲ್ ಯಾರು..?

ಅರವಿಂದ್ ಕೇಜ್ರಿವಾಲ್‌ರವರು ಹರ್ಯಾಣದ ಹಿಸ್ಸಾರ್‌ನಲ್ಲಿ ಎಲೆಕ್ಟ್ರಿಕ್ ಇಂಜಿನಿಯರರಾಗಿದ್ದ ಗೋಬಿಂದ್ ರಣ್ ಕೇಜ್ರಿವಾಲ್ ಹಾಗೂ ಗೀತಾದೇವಿಯವರ ಪುತ್ರನಾಗಿ ಜೂನ್ 16, ೧1968ಲ್ಲಿ ಜನಿಸಿದರು. ಅಲ್ಲಿಯೇ ಇದ್ದ ಕ್ಯಾಂಪಸ್ ಶಾಲೆಯಲ್ಲಿ ತಮ್ಮ ಪ್ರಾಥಮಿಕ ಹಾಗೂ ಪ್ರೌಢ ಶಿಕ್ಷಣವನ್ನು ಮುಗಿಸಿ ಖರಗ್‌ಪುರದ ಪ್ರತಿಷ್ಟಿತ ಐ‌ಐಟಿಯಲ್ಲಿ 1989ರಲ್ಲಿ ಮೆಕ್ಯಾನಿಕಲ್ ಇಂಜಿನಿಯರಿಂಗ್‌ನಲ್ಲಿ ಪದವಿ ಪೂರೈಸಿದರು.ಆ ವರ್ಷವೇ ಟಾಟಾ ಸ್ಟೀಲ್‌ನಲ್ಲಿ ವಾರ್ಷಿಕ 5-8 ಲಕ್ಷ ವರಮಾನದ ನೌಕರಿ ಗಿಟ್ಟಿಸಿದರಾದರೂ 1992ರಲ್ಲಿ ಆ ಕೆಲಸಕ್ಕೆ ವಿದಾಯ ಹೇಳಿ ನಾಗರೀಕ ಸೇವಾ ಪರೀಕ್ಷೆಯಲ್ಲಿ ಅರ್ಹತೆ ಪಡೆದು 1995ರಲ್ಲಿ ಕಂದಾಯ ಇಲಾಖೆಯ() ಕೆಲಸಕ್ಕೆ ಸೇರಿಕೊಂಡರು. ತಮ್ಮ ತೆರಿಗೆ ಕಚೇರಿಯಲ್ಲಿ ನಡೆದ ಭ್ರಷ್ಟಚಾರದಿಂದ ಆಕ್ರೋಶಗೊಂಡು ಇದರ ವಿರುದ್ಧ ಹೋರಾಡಲು 2000ರಲ್ಲಿ ಕೆಲಸಕ್ಕೆ ರಾಜಿನಾಮೆ ನೀಡಿ ಭ್ರಷ್ಟಚಾರದ ವಿರುದ್ಧ ಧ್ವನಿ ಎತ್ತಿದರು. ಭ್ರಷ್ಟಾಚಾರವನ್ನು ಸಂಪೂರ್ಣವಾಗಿ ತೊಲಗಿಸಲು ಪರಿವರ್ತನ ಎಂಬ ಸಂಘವನ್ನು ಹುಟ್ಟುಹಾಕಿದರು. ಇವರ ಹಲವು ಹೋರಾಟಕ್ಕೆ ಮಣಿದ ಸರ್ಕಾರ ಮಾಹಿತಿ ಹಕ್ಕು ಕಾಯ್ದೆ(551) ಜಾರಿಗೆ ತಂದಿತು. ಉತ್ತಮ ನಾಯಕತ್ವದೊಂದಿಗೆ, ಭ್ರಷ್ಟಾಚಾರದ ವಿರುದ್ದ ಹೋರಾಡಿದ್ದ ಕೇಜ್ರಿವಾಲ್‍ಗೆ 2006ರಲ್ಲಿ ಪ್ರತಿಷ್ಠಿತ ರಾಮನ್ ಮ್ಯಾಗ್ಸೆಸ್ಸೆ ಪ್ರಶಸ್ತಿ ಲಭಿಸಿದೆ.

ಭ್ರಷ್ಟಾಚಾರವನ್ನು ಸಂಪೂರ್ಣವಾಗಿ ತೊಲಗಿಸಲು 2010ರಲ್ಲಿ ಜನಲೋಕಪಾಲ ಮಸೂದೆ ಜಾರಿಗೆ ತರಲು ಅಣ್ಣಾ ಹಜಾರೆ, ಕಿರಣ್ ಬೇಡಿ ಜೊತೆಗೂಡಿ ದೆಹಲಿ ಸೇರಿದಂತೆ ದೇಶದ ಮಹಾನಗರಗಳಲ್ಲಿ ಪ್ರತಿಭಟನೆ ನಡೆಸಿದ್ದರು.

ಕೇಂದ್ರ ಸರ್ಕಾರ ಇವರ ಪ್ರತಿಭಟನೆ ಮಣಿಯದ ಹಿನ್ನಲೆಯಲ್ಲಿ 2012ರಲ್ಲಿ ಅಧಿಕೃತವಾಗಿ ಕೇಜ್ರಿವಾಲ್ ಆಮ್ ಆದ್ಮಿ ಪಾರ್ಟಿಯನ್ನು ಹೊರತಂದರು. ನಂತರ ಮೊದಲ ಬಾರಿಗೆ 2013ರಲ್ಲಿ ಆಮ್ ಆದ್ಮಿ ಪಕ್ಷದಿಂದ ಚುನಾವಣೆಯ ಕಣಕ್ಕಿಳಿದ ಕೇಜ್ರಿವಾಲ್, ಕಾಂಗ್ರೆಸ್ ಪಕ್ಷದ ಶೀಲಾ ದೀಕ್ಷಿತ್‍ರನ್ನು ಸೋಲಿಸಿ 2013 ಡಿಸೆಂಬರ್ 28 ದೆಹಲಿಯ ಸಿಎಂ ಆಗಿ ಹೊರಹೊಮ್ಮಿದರು. 2014ರ ಫೆ.14ರಂದು ಜನ ಲೋಕಪಾಲ ಮಸೂದೆ ಮಂಡನೆ ವೇಳೆ ಕೇಜ್ರಿವಾಲ್‍ಗೆ ದೆಹಲಿಯಲ್ಲಿ ವಿಧಾನಸಭೆಯಲ್ಲಿದ್ದ ಬಿಜೆಪಿ ಮತ್ತು ಕಾಂಗ್ರೆಸ್ ಶಾಸಕರು ಬೆಂಬಲ ನೀಡಿರಲಿಲ್ಲ. ಬೆಂಬಲ ನೀಡದ್ದಕ್ಕೆ ಬೇಸತ್ತ ಕೇಜ್ರಿವಾಲ್ ಅದೇ ದಿನ ಮುಖ್ಯಮಂತ್ರಿ ಹುದ್ದೆಗೆ ರಾಜೀನಾಮೆ ನೀಡಿದ್ದರು.

ಗೆಲುವಿನ ಕಾರಣಗಳು

ಲೋಕಸಭೆ ಚುನಾವಣೆಯಲ್ಲಿ ಎಎಪಿ ಸೋಲನ್ನಪ್ಪುತ್ತಿದ್ದಂತೆ ಎಎಪಿಯ ಕತೆ ಮುಗಿಯಿತು ಎಂಬ ಮಾತುಗಳು ಕೇಳಿ ಬರಲಾರಂಭಿಸಿದವು ದೆಹಲಿ ವಿಧಾನಸಭೆ ಚುನಾವಣೆ ಘೋಷಣೆಯಾದಾಗ ನಡೆದಿದ್ದ ಚುನಾವಣಾಪೂರ್ವ ಸಮೀಕ್ಷೆಗಳೂ ಬಿಜೆಪಿ ಭರ್ಜರಿ ಬಹುಮತ ಗಳಿಸಲಿದೆ ಎಂದೇ ಭವಿಷ್ಯ ನುಡಿದಿದ್ದವು. ಕೆಲ ವಾರಗಳವರೆಗೂ ಇದೇ ಪರಿಸ್ಥಿತಿ ಇತ್ತು. ಆದರೆ ಕೆಲವೇ ದಿನಗಳ ಅಂತರದಲ್ಲಿ ದೆಹಲಿ ರಾಜಕೀಯ ಚಿತ್ರಣವೇ ಬದಲಾಗಿದೆ. ಎಎಪಿ ಫೀನಿಕ್ಸ್‍ನಂತೆ ದೆಹಲಿಯಲ್ಲಿ ಎದ್ದು ಬಂದಿದೆ... ಆಮ್‌ ಆದ್ಮಿ ಪಕ್ಷಕ್ಕೆ ಈ ಪರಿಯ ಗೆಲುವು ಬರಲು ಕಾರಣಾಗಳನ್ನು ಹೀಗೆ ವಿಶ್ಲೇಷಿಸಬಹುದು...

1. ·         49 ದಿನದ ಬಳಿಕ ರಾಜೀನಾಮೆ ನೀಡಿದ್ದ ಕೇಜ್ರಿವಾಲ್ ಚುನಾವಣೆ ಆರಂಭವಾದ ಬಳಿಕ ಸಿಕ್ಕ ಪ್ರತಿ ಅವಕಾಶದಲ್ಲೂ ಜನರ ಕ್ಷಮೆ ಯಾಚಿಸಿದರು. ಈ ಮೂಲಕ ಕೇಜ್ರಿವಾಲ್ ನಾನು ಪ್ರಾಮಾಣಿಕ ಮನುಷ್ಯ ಎಂಬುದನ್ನು ಜನರ ಮುಂದೆ ಬಿಂಬಿಸಲು ಸಾಧ್ಯವಾಯಿತು. ಇದರೊಂದಿಗೇದೆಹಲಿಯ ಒಟ್ಟು ಮತದಾರರ ಪೈಕಿ ಶೇ.60ರಷ್ಟು ಜನರ ಮಾಸಿಕ ಆದಾಯ 13 ಸಾವಿರ ರೂ.ಗಿಂತಲೂ ಕಡಿಮೆ ಇದೆ. ದುಬಾರಿ ದೆಹಲಿಯಲ್ಲಿ ವಿದ್ಯುತ್‌ ಹಾಗೂ ನೀರಿನ ಬಿಲ್‌ ಈ ಜನರಿಗೆ ಅಧಿಕ ಹೊರೆಯಾಗಿಯೇ ಪರಿಣಮಿಸಿದೆ. 49 ದಿನಗಳ ಅಧಿಕಾರದಲ್ಲಿ ಆ ಎರಡೂ ದರಗಳನ್ನೂ ಇಳಿಸುವ ನಿರ್ಧಾರವನ್ನು ಕೇಜ್ರಿವಾಲ್‌ ಮಾಡಿದ್ದರು. ಅದು ಬಡವರ್ಗದ ಜನರಿಗೆ ತುಂಬಾ ಹಿಡಿಸಿಬಿಟ್ಟಿತು. ಜತೆಗೆ ಬೀದಿ ಬದಿ ವ್ಯಾಪಾರಿಗಳು, ವರ್ತಕರು, ಆಟೋರಿಕ್ಷಾ ಚಾಲಕರು ನಿತ್ಯ ಪೊಲೀಸರಿಗೆ "ಮಾಮೂಲಿ' ಕೊಡುವ ವಾತಾವರಣವಿದೆ. ಆದರೆ ಕೇಜ್ರಿವಾಲ್‌ ಅಧಿಕಾರದಲ್ಲಿದ್ದಾಗ ಒಮ್ಮೆಯೂ ಪೊಲೀಸರು ಈ ರೀತಿ ಸುಲಿಗೆ ಮಾಡಿರಲಿಲ್ಲ. ಭ್ರಷ್ಟರಿಗೆ ಅವರು ಸಿಂಹಸ್ವಪ್ನರಾಗಿದ್ದರು. ಹೀಗಾಗಿ ಕೇಜ್ರಿವಾಲ್‌ ಅಧಿಕಾರಕ್ಕೇರಿದರೆ "ಮಾಮೂಲಿ' ಕೊಡುವುದು ನಿಲ್ಲುತ್ತದೆ ಎಂದು ಬಡವರ್ಗ ಅತಿಯಾಗಿ ನಂಬಿದ್ದರಿಂದ ಆಮ್‌ ಆದ್ಮಿ ಪಕ್ಷ ಬಿಟ್ಟು ಕದಲಲಿಲ್ಲ. ಕೇಜ್ರಿವಾಲ್‌ಗಾಗಿ ಜಾತಿಗಳನ್ನೂ ಮೀರಿ ಬಡವರು ಆಮ್‌ ಆದ್ಮಿ ಪಕ್ಷದ ಪರ ನಿಂತರು
2. ·      ಕೇಜ್ರಿವಾಲ್‌ ಬಗ್ಗೆ ದೆಹಲಿಯ ಜನರಲ್ಲಿ ಸಿಟ್ಟಿದೆ, ಅದರಿಂದ ತನಗೆ ಲಾಭವಾಗಲಿದೆ ಎಂದೇ ಬಿಜೆಪಿ ಭಾವಿಸಿತ್ತು. ಲೋಕಸಭೆ ಚುನಾವಣೆಯಲ್ಲಿ ಎಲ್ಲ ಏಳೂ ಸ್ಥಾನಗಳಲ್ಲೂ ಗೆದ್ದ ಬಳಿಕವಂತೂ ಆ ಪಕ್ಷದ ಸಂತಸಕ್ಕೆ ಪಾರವೇ ಇರಲಿಲ್ಲ. ಹೀಗಾಗಿ ದೆಹಲಿ ಬಗ್ಗೆ ಹೆಚ್ಚು ತಲೆಕೆಡಿಸಿಕೊಳ್ಳುವ ಬದಲು ಮಹಾರಾಷ್ಟ್ರ, ಹರ್ಯಾಣ, ಜಾರ್ಖಂಡ, ಜಮ್ಮು-ಕಾಶ್ಮೀರ ಚುನಾವಣೆಗಳ ಮೇಲೆ ಹೆಚ್ಚು ಗಮನಹರಿಸಿತು. ಆದರೆ, ನಿಜ ಹೇಳಬೇಕೆಂದರೆ ದೆಹಲಿಯಲ್ಲಿ ಮೋದಿ ಅಲೆಯೇ ಇರಲಿಲ್ಲ. ಮೋದಿಗಿಂತ ಹೆಚ್ಚು ದೆಹಲಿಯಲ್ಲಿ ಮಫ್ಲರ್ ಮ್ಯಾನ್ ಸದ್ದು ಮಾಡಿದ್ದ. ಈ ನಡುವೆ, "ಆಪರೇಷನ್‌ ಕಮಲ' ನಡೆಸಿ ಸರ್ಕಾರ ರಚಿಸುವ ಯತ್ನಕ್ಕೂ ಕೈಹಾಕಿತು. ಚುನಾವಣೆಯೋ, ಸರ್ಕಾರವೋ ಎಂಬ ಗೊಂದಲದಲ್ಲೇ ಕಾಲ ದೂಡಿತು. ಬಿಜೆಪಿಯ ಸಮಯ ತಿನ್ನುವ ಪ್ರಕ್ರಿಯೆಯಿಂದ ಆಮ್‌ ಆದ್ಮಿ ಪಕ್ಷಕ್ಕೆ ಪ್ರಚಾರ ಮಾಡಲು ಹೆಚ್ಚು ಸಮಯಾವಕಾಶ ಲಭಿಸಿತು.
3. ·     ಡಿ.1ರಿಂದ ಈವರೆಗೆ ದೆಹಲಿಯಲ್ಲಿ ಐದು ಚರ್ಚ್‌ಗಳ ಮೇಲೆ ದಾಳಿ ನಡೆದಿದೆ. ಇದರಿಂದ ರೊಚ್ಚಿಗೆದ್ದ ಕ್ರೈಸ್ತರೂ ಆಮ್‌ ಆದ್ಮಿ ಪಕ್ಷದತ್ತ ತಿರುಗಿದರು. ಜೆಡಿಯುನ ನಿತೀಶ್‌ ಕುಮಾರ್‌, ತೃಣಮೂಲ ಕಾಂಗ್ರೆಸ್ಸಿನ ಮಮತಾ ಬ್ಯಾನರ್ಜಿ, ಎಡರಂಗದ ಪ್ರಕಾಶ್‌ ಕಾರಟ್‌ ಅವರೆಲ್ಲಾ ಕೇಜ್ರಿವಾಲ್‌ ಅವರಿಗೇ ಬೆಂಬಲ ನೀಡಿದ್ದರಿಂದ, ಉತ್ತರಪ್ರದೇಶದ ಸಮಾಜವಾದಿ ಪಕ್ಷ ಹಾಗೂ ಬಿಎಸ್ಪಿಗಳು ದೆಹಲಿಯಲ್ಲಿ ಅಭ್ಯರ್ಥಿಯನ್ನು ಹೂಡದ ಕಾರಣಕ್ಕೆ ಮೋದಿ- ಬಿಜೆಪಿ ವಿರೋಧಿ ಮತಗಳು ವಿಭಜನೆಯಾಗದೆ ಆಮ್‌ ಆದ್ಮಿ ಪಕ್ಷದ ಪರ ಒಗ್ಗೂಡಿದವು ಕಳೆದ ಬಾರಿ ವಿಧಾನಸಭೆ ಚುನಾವಣೆಯಲ್ಲಿ ಮುಸ್ಲಿಮರ ಮತ ಎಎಪಿ ಹಾಗೂ ಕಾಂಗ್ರೆಸ್‍ಗೆ ವಿಂಗಡಣೆಯಾಗಿತ್ತು. ಆದರೆ ಈ ಬಾರಿ ಬಿಜೆಪಿ ಹಾಗೂ ಆಪ್ ಮಧ್ಯೆ ನೇರ ಸ್ಪರ್ಧೆ ಏರ್ಪಟ್ಟಿತ್ತು. ಬಿಜೆಪಿಗೆ ಪೈಪೋಟಿ ನೀಡುವ ಸಾಮರ್ಥ್ಯ ಕಾಂಗ್ರೆಸ್ಸಿಗಿಲ್ಲ ಎಂಬುದು ಮನವರಿಕೆಯಾಗುತ್ತಿದ್ದಂತೆ ಪ್ರಧಾನಿ ನರೇಂದ್ರ ಮೋದಿ ಹಾಗೂ ಬಿಜೆಪಿ ಮಣಿಸಲು ಕೇಜ್ರಿಯೇ ಸರಿಯಾದ ನಾಯಕ ಎಂದು ಮುಸ್ಲಿಮರು ಕಂಡುಕೊಂಡರು.
4. ·         ಒಂದು ಹಂತದಲ್ಲಿ ಬಿಜೆಪಿಗೆ ಸಮರ್ಥ ನಾಯಕನ ಕೊರತೆಯ ಅರಿವಾಯಿತು. ಮೋದಿ ಮುಖ ತೋರಿಸಿ, ಅಮಿತ್‌ ಶಾ ತಂತ್ರಗಾರಿಕೆಯನ್ನಿಟ್ಟುಕೊಂಡು ಚುನಾವಣೆ ಗೆಲ್ಲಬಹುದು ಅಂದುಕೊಂಡಿದ್ದ ಬಿಜೆಪಿಗೆ ಅವು ಕೆಲಸ ಮಾಡುವುದಿಲ್ಲ ಎಂಬುದು ತಿಳಿಯಿತು. ಕೂಡಲೇ ಕೇಜ್ರಿವಾಲ್‌ ಅವರ ಮಾಜಿ ಸಹವರ್ತಿ ಕಿರಣ್‌ ಬೇಡಿ ಅವರನ್ನು ಪಕ್ಷಕ್ಕೆ ಸೆಳೆಯಲಾಯಿತು. ಆದರೆ ಈ ರೀತಿ ಮಾಡುವ ಮುನ್ನ ದೆಹಲಿ ಬಿಜೆಪಿ ಘಟಕದ ಒಪ್ಪಿಗೆಯನ್ನು ವರಿಷ್ಠರು ಪಡೆಯಲೇ ಇಲ್ಲ. ಉದ್ಭವಮೂರ್ತಿಯಂತೆ ಮುಖ್ಯಮಂತ್ರಿ ಅಭ್ಯರ್ಥಿಯಾಗಿ ಬೇಡಿ ಹೊರಹೊಮ್ಮಿದ್ದು, ದೆಹಲಿ ಬಿಜೆಪಿಗಾಗಿ ದಶಕಗಳಿಂದ ದುಡಿದ ನಾಯಕರಿಗೆ ಪಥ್ಯವಾಗಲಿಲ್ಲ. ಅವರೆಲ್ಲಾ ನಿಧಾನವಾಗಿ ಬಿಜೆಪಿ ಪರ ಪ್ರಚಾರದ ಭರಾಟೆಯಿಂದ ಹಿಂದೆ ಸರಿದರು. ಉತ್ತಮ ರೀತಿ ಅಧಿಕಾರ ನಡೆಸಿದ್ದ, ನಿಷ್ಕಳಂಕ ವ್ಯಕ್ತಿತ್ವದ ಕೇಜ್ರಿವಾಲ್‌ ಮುಂದೆ ಬಿಜೆಪಿ ಪಾಲಿಗೆ ಬೇಡಿ ಅತ್ಯುತ್ತಮ ಅಭ್ಯರ್ಥಿಯಾಗಿದ್ದರೂ ಜನರಿಗೆ ಬಿಜೆಪಿ ನಿರೀಕ್ಷಿಸಿದ್ದಷ್ಟು ಇಷ್ಟವಾಗಲಿಲ್ಲ. ಹೀಗಾಗಿಯೇ ಕಿರಣ್ ಬೇಡಿಯನ್ನು ಸಿಎಂ ಅಭ್ಯರ್ಥಿಯಾಗಿಸಿದ್ದ ಬಿಜೆಪಿ ರಾಷ್ಟ್ರಾಧ್ಯಕ್ಷ ಅಮಿತ್ ಶಾ ಅವರ ಮಾಸ್ಟರ್ ಸ್ಟ್ರೋಕ್ ಅವರಿಗೇ ತಿರುಮಂತ್ರವಾಯಿತು.
5. ·         ಎದುರಾಳಿ ಪಕ್ಷದ ನಾಯಕರನ್ನು ವೈಯುಕ್ತಿಕವಾಗಿ ತೆಗಳುವುದರಿಂದ ಮತ್ತೂಬ್ಬರಿಗೆ ಲಾಭವಾಗುತ್ತದೆ ಎಂಬುದನ್ನು ಬಿಜೆಪಿ ಅದೇಕೋ ಮರೆಯಿತು. ಕೇಜ್ರಿವಾಲ್‌ ವಿರುದ್ಧ ವೈಯಕ್ತಿಕ ನಿಂದನೆಗೆ ನಾಯಕರು, ಸಚಿವರು ಸೇರಿದಂತೆ ಪ್ರಧಾನಿ ಮೋದಿಯೇ ನೇತೃತ್ವ ಹೊತ್ತುಕೊಂಡರು. ಪತ್ರಿಕೆಗಳಲ್ಲಿ ಕೇಜ್ರಿ ಹೀಯಾಳಿಸುವ ಜಾಹೀರಾತುಗಳನ್ನು ಬಿಜೆಪಿ ಪುಂಖಾನುಪುಂಕವಾಗಿ ಪ್ರಕಟಿಸಿದರು. ಇದೆಲ್ಲದರ ಲಾಭ ಕೇಜ್ರಿವಾಲ್‌ ಅವರಿಗೆ ಆಯಿತು ಕೇಜ್ರಿವಾಲ್‌ ವಿರುದ್ಧ ಈ ಪರಿ ಟೀಕೆಗಳನ್ನು ಮಾಡುತ್ತಿರುವುದನ್ನು ಕಂಡು ಆಮ್‌ ಆದ್ಮಿ ಪಕ್ಷದಿಂದ ದೂರ ಸರಿದಿದ್ದ ಮಧ್ಯಮವರ್ಗದ ಮತದಾರರೂ ಅನುಕಂಪದಿಂದ ಮತ್ತೆ ಅದೇ ಪಕ್ಷದತ್ತ ವಾಲಲೂ ಆರಂಭಿಸಿದರು.
6. ·         ರಾಜೀನಾಮೆ ನೀಡಿದ ಬಳಿಕ ಕೇಜ್ರಿವಾಲ್ ಸುಮ್ಮನೆ ಕೂರಲಿಲ್ಲ. ಎಎಪಿ ಧರಣಿಗೆ ಮಾತ್ರ ಸೀಮಿತವಾದ ಪಕ್ಷವಲ್ಲ. ಅಭಿವೃದ್ಧಿಯನ್ನೂ ನೋಡುತ್ತದೆ ಎಂದು ಜನಸಭೆಗಳನ್ನೂ ಮಾಡಿದರು. ಇದರಿಂದ ಪಕ್ಷ ಸಂಘಟನೆಯೂ ಸಾಧ್ಯವಾಯಿತು. ಈ ಬಾರಿ ಪಕ್ಷ ಸೇವೆಗಾಗಿ ಹೆಚ್ಚು ಕಾರ್ಯಕರ್ತರು ದೆಹಲಿಗೆ ಬಂದರು. ದೆಹಲಿಯ ಚುನಾವಣೆ ಘೋಷಣೆಯಾಗುವುದಕ್ಕೂ ಮುನ್ನವೇ ಕೇಜ್ರಿವಾಲ್ ಎರಡೆರಡು ಬಾರಿ ಎಲ್ಲಾ ಕ್ಷೇತ್ರಗಳಲ್ಲೂ ಪ್ರವಾಸ ಮುಗಿಸಿದ್ದರು. ಕೇಜ್ರಿವಾಲ್ ಜೊತೆ ಕಾರ್ಯಕರ್ತರ ತಂಡವೂ ಹಗಲು ಇರುಳೆನ್ನದೆ ಬೆನ್ನಿಗೆ ನಿಂತು ದುಡಿದರು.

 ರಾಷ್ಟ್ರೀಯ ಪಕ್ಷಗಳಿಗೆ ಪಾಠ

ಈ ದೆಹಲಿ ವಿಧಾನಸಭಾ ಚುನಾವಣೆಯಲ್ಲಿ ಆಮ್ ಆದ್ಮಿ ಪಕ್ಷದ ಗೆಲುವು ನಮ್ಮ ದೇಶದ ರಾಷ್ಟ್ರೀಯ ಪಕ್ಷಗಳಿಗೆ ನಿಜಕ್ಕೂ ಒಂದು ಪಾಠ, ಈ ನಿಟ್ಟಿನಲ್ಲಿ ಬಿಜೆಪಿ, ಕಾಂಗ್ರೆಸ್ ನಂತಹಾ ಪಕ್ಷಗಳು ಎಚ್ಚೆತ್ತುಕೊಳ್ಳಬೇಕು.

ಬಿಜೆಪಿ ವಿಚಾರಕ್ಕೆ ಬಂದರೆ, ಮೋದಿ ಅವರ ಜನಪ್ರಿಯತೆಯೊಂದನ್ನೇ ಅವಲಂಬಿಸಿ ರಾಜ್ಯದ ಚುನಾವಣೆಗಳನ್ನು ಗೆಲ್ಲಲು ಸಾಧ್ಯವಿಲ್ಲ ಎಂಬುದನ್ನು ಬಿಜೆಪಿ ಮನಗಾಣಬೇಕು. ಲೋಕಸಭಾ ಚುನಾವಣೆಯಲ್ಲಿ ಆಪ್‌ ಹೀನಾಯವಾಗಿ ಹಿನ್ನಡೆ ಕಂಡಿರಬಹುದು. ಆದರೆ ರಾಷ್ಟ್ರ ರಾಜಧಾನಿಯಲ್ಲಿ ಅದು ಒಂದು ಪ್ರಬಲ ಶಕ್ತಿಯಾಗಿ ಉಳಿದಿದೆ. ನೆರೆಯ ಪಂಜಾಬ್‌ನಲ್ಲೂ ಅದು ತನ್ನ ಶಕ್ತಿಯನ್ನು ಪ್ರದರ್ಶಿಸಿದೆ. ಚುನಾವಣೆಯಿಂದ ಚುನಾವಣೆಗೆ ಬಿಜೆಪಿಯಲ್ಲಿ ಸಂತೃಪ್ತಿಯ ಭಾವನೆ ಹೆಚ್ಚುತ್ತಿದೆ. ಆದರೆ ಪಕ್ಷದ ಸೋಲಿಗೂ ಅದೇ ಕಾರಣವಾಗುತ್ತಿದೆ. ಕಾಂಗ್ರೆಸ್‌ ತನ್ನ ಅಸ್ತಿತ್ವ ಉಳಿಸಿಕೊಳ್ಳಲು ಏನಾದರೂ ಮಹತ್ವದ ಬದಲಾವಣೆ ಮಾಡಿಕೊಳ್ಳಲೇಬೇಕಿದೆ.

ಮುಂದಿದೆ ಸವಾಲು

ಆಮ್ ಆದ್ಮಿ ಪಕ್ಷದ ಈ ಗೆಲುವಿನಿಂದ ದೆಹಲಿ ಗದ್ದುಗೆಗೆ ಒಬ್ಬ ಹೊಸ ನಾಯಕ ಸಿಕ್ಕಂತಾಗಿದೆ. ಜನರು ಕೇಜ್ರಿವಾಲ್ ಮೇಲೆ ನಂಬಿಕೆ ಇಟ್ಟು ಇನ್ನೊಮ್ಮೆ ಬಹುಮತ ನೀಡಿ  ಆರಿಸಿ ಕಳಿಸಿದ್ದಾರೆ. ಭ್ರಷ್ಠಾಚಾರವನ್ನು ನಿರ್ಮೂಲನಗೊಳಿಸುವ ಸಲುವಾಗಿ ಹುಟ್ಟಿಕೊಂಡ ಒಂದು ಸಂಘಟನೆ ಮುಂದೆ ಒಂದು ರಾಜಕೀಯ ಪಕ್ಷವಾಗಿ ಬೆಳೆದಿದ್ದು ಇದೀಗ ಒಂದು ರಾಜ್ಯದ ಚುಕ್ಕಾಣಿ ಹಿಡಿದಿರುವ ಹಿನ್ನೆಲೆಯಲ್ಲಿ ಪಕ್ಷ ಹಾಗೂ ಕೇಜ್ರಿವಾಲ್ ರವರ ಮುಂದೆ ಸಾಕಷ್ಟು ಸವಾಲುಗಳಿವೆ. ಕಳೆದ ಬಾರಿ ನಡೆಸಿದಂತೆ ಅಧಿಕಾರ ಗದ್ದುಗೆ ಸಿಕ್ಕಿದೊಡನೆಯೇ ಬೀದಿಗಿಳಿದು ಪ್ರತಿಭಟನೆಗೆ ತೊಡಗುತ್ತಾ ಸಮಯ ವ್ಯರ್ಥ ಮಾಡದೆ ಜನರ ವಿಶ್ವಾಸವನ್ನು ಗಟ್ಟಿಗೊಳಿಸುವ ನಿಟ್ಟಿನಲ್ಲಿ ಉತ್ತಮ ರೀತಿಯ ಕೆಲಸಗಳಲ್ಲಿ ತೊಡಗಬೇಕಿದೆ. ಕೇವಲ ಪ್ರತಿಭಟನೆ, ಬೀದಿರಂಪಗಳ್ನ್ನು ಮಾಡದೆಯೇ ಜನರಿಗೆ ಅಭಿವೃದ್ದಿಯೇ ಮುಂದಾದ ಉತ್ತಮ ಆಡಳಿತ ನೀಡುವತ್ತ ಕೇಜ್ರಿವಾಲ್ ಮುಂದಾಗಬೇಕು. ಆಗ ಮಾತ್ರವೇ ದೆಹಲಿಯ ಜನತೆ ಇವರನ್ನು ನಂವಿ ಮತ ಹಾಕಿದ್ದಕ್ಕೆ ನ್ಯಾಯ ದೊರೆಯಬಲ್ಲದೆ.

ಅಂತಿಮವಾಗಿ, ಅರವಿಂದ ಕೇಜ್ರಿವಾಲ್ ಗೆದ್ದಿದ್ದಾರೆ, ಶ್ರೀ ಸಾಮಾನ್ಯರ ಪಕ್ಷ ಎಂದೆನಿಸಿದ ಆಮ್ ಆದ್ಮಿ ಗೆದ್ದು ಗದ್ದುಗೆ ಏರಿದೆ. ಮುಂದಿನ ದಿನಗಳಲ್ಲಿ ದೆಹಲಿಯ ಜನತೆ ಉತ್ತಮ ಆಡಳಿತ ಕಾಣುವಂತಾಗಲಿ, ದೆಹಲಿಯು ಸರ್ವತೋಮುಖ ಅಭಿವೃದ್ದಿ ಕಂಡು ಗಾಂಧೀಜಿಯವರ “ರಾಮರಾಜ್ಯ” ದ ಕನಸು ಸಾಕಾರವಾಗಲಿ ಎಂದು ಆಶಿಸೋಣ......

ಮ್ಮಲ್ಲಿನ ಸ್ಥಳ ಪುರಾಣಾಗಳು (Myths) -45

ಶಬರಿಮಲೆ (Sabarimalai)

ಭಾಗ - 7

ಕೇರಳ ರಾಜ್ಯದಲ್ಲಿರುವ ಶಬರಿಮಲೆ ಅಲ್ಲಿನ ಅಯ್ಯಪ್ಪ ಸ್ವಾಮಿ ದೇವಾಲಯದಿಂದ ಜಗದ್ವಿಖ್ಯಾತಿ ಗಳಿಸಿದೆ. ಪ್ರತೀ ವರ್ಷ ನವೆಂಬರ್ ಹಾಗೂ ಜನವರಿ ತಿಂಗಳುಗಳ ನಡುವೆ ಸುಮಾರು ೫೦ ಲಕ್ಷ ಭಕ್ತಾದಿಗಳು ಇಲ್ಲಿಗೆ ಭೇಟಿ ನೀಡುತ್ತಾರೆ. ಪಶ್ಚಿಮ ಘಟ್ಟಗಳ ನಡುವೆ ಇರುವ ಈ ದೇವಾಲಯವು ಜನರ ಶ್ರದ್ದಾ ಕೇಂದ್ರವಾಗಿರುವುದರೊಡನೆಯೇ ಸುತ್ತಲಿನ ಹಸಿರಿನಿಂದ ತುಂಬಿದ ವನಸಿರಿಯಿಂದಾಗಿ ಪ್ರಕೃತಿ ಪ್ರಿಯರಿಗೂ ಬಹಳವೇ ಅಚ್ಚುಮೆಚ್ಚಾಗಿದೆ. ಇಲ್ಲಿನ ದೇವಾಲಯಕ್ಕೆ ಸಾವಿರಾರು ವರ್ಷಗಳ ಇತಿಹಾಸವಿದ್ದು ಅದರದೇ ಆದ ಪೌರಾಣಿಕ ಹಿನ್ನೆಲೆಯನ್ನೂ ಹೊಂದಿದೆ. ರಾಮಾಯಣ ಕಾಲದಲ್ಲಿ ತಾಯಿ ಶಬರಿಯು ಶ್ರೀ ರಾಮನ ದರುಶನಕ್ಕಾಗಿ ಕಾದು ಕುಳಿತ ಸ್ಥಳವಿದು ಎನ್ನುವ ಪ್ರತೀತಿಯೂ ಈ ಸ್ಥಳಕ್ಕಿದೆ. ಶಬರಿಯ ಆಶ್ರಮವಿದ್ದ ಈ ಸ್ಥಳಕ್ಕೆ ಇದೇ ಕಾರಣದಿಂದಾಗಿ ಶಬರಿಮಲೆ ಎಂಬ ಹೆಸರು ಬಂತೆಂದು ಹೇಳಲಾಗುತ್ತದೆ. ಪ್ರತೀ ವರ್ಷ ಜನವರಿ ೧೪ರ ಮಕರ ಸಂಕ್ರಮಣಾದಂದು ಅಲ್ಲಿ ವಿಶೇಷವಾಗಿ ಮಕರ ಜ್ಯೋತಿಯ ದರ್ಶನವಾಗುವುದಿದೆ. ಆ ಹಿನ್ನೆಲೆಯಲ್ಲಿ ಶ್ರೀ ಕ್ಷೇತ್ರದ ಪುರಾಣಿಕ ಹಿನ್ನೆಲೆಯನ್ನು ತಿಳಿಯೋಣ.......

***

ಮಹಿಷಿಯ ಡೆಯಲಸಾಧ್ಯವಾಗಿರುತ್ತದೆ. ದೇವಲೋಕಕ್ಕೆ ನುಗ್ಗಿ ಅಮೃತಕ್ಕಾಗಿ ಇಂದ್ರಾದಿಗಳನ್ನು ಹಿಂಸಿಸಲು ತೊಡಗುತ್ತಾಳೆ. ತಾನೇನಾದರೂ ಅಮೃತ ಪಾನವನ್ನು ಮಾಡಿದ್ದೇ ಆದಲ್ಲಿ ಹರಿಹರ ಪುತ್ರ ಮಾತ್ರವಲ್ಲ, ಸ್ವತಃ ಹರಿಹರರೇ ಎದುರು ಬಂದರೂ ನನ್ನನ್ನೇನೂ ಮಾಡಲಾಗದೆನ್ನುವ ಹಣಿಕೆ ಅವಳದಾಗಿರುತ್ತದೆ.

***

ಇತ್ತ ಕಾಡಿನಲ್ಲಿ ತಾಯಿಯ ಉದರ ಶೂಲಾ ಪರಿಹಾರಾರ್ಥವಾಗಿ ಹುಲಿಯನ್ನು ಹುಡುಕುತ್ತಾ ಹೊರಟ ಮಣಿಕಂಠನಿಗೆ ನಾರದ ಮಹರ್ಷಿಗಳು ಎದುರಾಗುತ್ತಾರೆ. ಮಣಿಕ೦ಠಾ..., ತಕ್ಷಣವೇ ನೀನು ದೇವಲೋಕಕ್ಕೆ ದಯಮಾಡಿಸಬೇಕು. ಆ ರಾಕ್ಷಸಿ ಮಹಿಷಿ ದೇವಲೋಕಕ್ಕೆ ನುಗ್ಗಿ ಅಮ್ರತಕ್ಕಾಗಿ ದೇವೇ೦ದ್ರನನ್ನು ನಾನಾ ರೀತಿ ಹಿ೦ಸಿಸುತ್ತಿದ್ದಾಳೆ. ನೀನು ಯಾವ ಕಾರಣಕ್ಕಾಗಿ ಜನ್ಮವೆತ್ತಿರುವೆಯೋ, ಆ ಕಾರ್ಯವನ್ನು ಪೂರೈಸುವ ಸಮಯ ಬ೦ದಾಯಿತು. ಆ ಮಹಿಷಿಯ ಸ೦ಹರಿಸಿ ಈ ಮಹತ್ತರವಾದ ಲೋಕ ಕಲ್ಯಾಣ ಕಾರ್ಯವನ್ನು ಪೂರ್ಣಗೊಳಿಸು. ದೇವತೆಗಳಿಗೆ ಉ೦ಟಾಗಿರುವ ರಾಕ್ಷಸ ಭೀತಿಯನ್ನು ತಪ್ಪಿಸು. ಎಂದು ನಾರದರು ಮಣಿಕಂಠನಲ್ಲಿ ಹೇಳಿಕೊಂಡಾಗ ತಕ್ಷಣಾವೇ ಕಾರ್ಯಪ್ರವೃತ್ತನಾಗುವುದಾಗಿ ಹೇಳಿದ ಮಣಿಕಂಠನು ದೇವಲೋಕಕ್ಕೆ ತೆರಳುತ್ತಾನೆ.

ದೇವಲೋಕದಲ್ಲಿ ಇಂದ್ರಾದಿಗಳಾನ್ನು ನಾನಾ ವಿಧವಾಗಿ ಹಿಂಸಿಸಿ ಮಹಿಷಿಯು ಆನಂದ ಪಡುತ್ತಿರುವ ವೇಳೆಯಲ್ಲಿಯೇ ಮಣಿಕಂಠನ ಪ್ರವೇಶವಾಗುತ್ತದೆ. ಮರುಕ್ಷಣವೇ, ಅಪಾರ ಪ್ರಕಾಶಮಾನವಾದ, ಅಸ೦ಖ್ಯ ಜ್ಯೋತಿಗಯ ಪ್ರಭೆಯುಳ್ಳ ಬೆಳಕು ಚಿಮ್ಮುವುದರೊ೦ದಿಗೆ ದೇವಬಾಲಕ ಮಣಿಕ೦ಠನು ದೇವಲೋಕದ ಬಾನಲ್ಲಿ ಪ್ರತ್ಯಕ್ಷನಾಗಿತ್ತಾನೆ. ಮಣಿಕ೦ಠನು ಗ೦ಭೀರನಾಗಿ ಗಾ೦ಭೀರ್ಯದಿ೦ದ ನಿ೦ತಿದ್ದಾನೆ.ಈ ದಿವ್ಯ ಸ್ವರೂಪವನ್ನು ಕ೦ಡಾಕ್ಷಣ ಮಹಿಷಿಯೂ ಕೆಲಕ್ಷಣ ಶಾ೦ತಳಾಗಿ ನೋಡುತ್ತಾಳೆ. ಇ೦ದ್ರನು ಬ೦ಧಿತ ಅವಸ್ಥೆಯಲ್ಲೇ ಧೀನನಾಗಿ ಅನ೦ತ ಮಹಿಮ ಬಾಲಕನನ್ನು ಶಿರದಿ೦ದಲೇ ನಮಿಸುತ್ತಾನೆ. ನಾರದರು, ನಾರಾಯಣ ನಾಮವನ್ನು ನುಡಿಯುತ್ತಾ ತಾಳವನ್ನು ನುಡಿಸುತ್ತಾ ಆನ೦ದಿತರಾಗಿ ನಮಿಸುತ್ತಾರೆ. ಮಣಿಕ೦ಠನು ಬಿಲ್ಲು ಹಿಡಿದ ಕೈಯನ್ನು ಎತ್ತಿ ರಕ್ಷಣೆಯ ಅಭಯವನ್ನಿತ್ತು ಆಶೀರ್ವದಿಸುತ್ತಾನೆ. ಮಹಿಷಿ ಎಚ್ಚೆತ್ತವಳ೦ತೆ, ತನ್ನ ಕನಸ್ಸಿನಲ್ಲಿ ಕ೦ಡ ಬಾಲಕನೇ ತನ್ನೆದುರಿಗೆ ನಿ೦ತ ಈ ಬಾಲಕನೆ೦ದು ತಿಳಿಯುತ್ತಾಳೆ. ಕನಸ್ಸಿನಲ್ಲಿ ದ್ರಶ್ಯವು ಕಣ್ಣೆದುರಿಗೇ ಮರುಕಳಿಸಿದ೦ತಾಗಿ ಬೆಚ್ಚುತ್ತಾಳೆ

ಮಹಿಷಿ ಹಾಗೂ ಮಣಿಕಂಠನ ನಡುವೆ ಮಾತುಕತೆ ಪ್ರಾರಂಭವಾಗುತ್ತದೆ. ಮಹಿಷಿ: ಯಾರು ನೀನು...!? ಎಂದು ಕೇಳಲು ಮಣಿಕಂಠನು  ನಾನು ಮಣಿಕ೦ಠಾ.... ಎನ್ನುತ್ತಾನೆ.. ಅದಕ್ಕೆ ಮಹಿಷಿಯು .. ಆ ವಿಷಕ೦ಠನಿಗೇ ಹೆದರದ ನಾನು, ಮಣಿಕ೦ಠನಿಗೆ ಹೆದರುವೆನೇನು. ಹ್ಹಹ್ಹಹ್ಹ.....ಹ್ಹಾ... ನೀನಿನ್ನೂ ಬಾಲಕ. ಈ ಮಹಿಷಿಯನ್ನು ಕೆರಳಿಸಬೇಡ. ಹೊರಟುಹೋಗು. ಎಂದು ಅಬ್ಬರಿಸಿದಾಗ ಮಣಿಕಂಠನು ಷಣ್ಮುಖನು ಬಾಲಕನಾಗಿದ್ದಾಗಲೇ ತಾರಕಾಸುರನನ್ನ ಎದುರಿಸಿದ್ದು, ಸ೦ಹರಿಸಿದ್ದು. ಎಂದು ಉತ್ತರಿಸುತ್ತಾನೆ. ಅವನು ಹುಟ್ಟಿದ್ದೇ ತಾರಕನಿಗಾಗೀ..... ಎಂದು ಮಹಿಷಿಯು ನುಶಿಯಲು  ನಾನು ಹುಟ್ಟಿದ್ದೇ ನಿನಗಾಗಿ, ನಿನ್ನ ಸ೦ಹಾರಕ್ಕಾಗಿ... ಎನ್ನುತ್ತಾನೆ... ಇದರಿಂದ ಕೆರಳಿದ ಮಹಿಷಿಯು ಎಲಾ ಬಾಲಕಾ....! ನೀನು ನನ್ನನ್ನು ಸ೦ಹರಿಸುವೆಯಾ... ಇದೋ ನೋಡು. ಎನ್ನುತ್ತಾ ಯುದ್ದಕ್ಕೆ ಮೊದಲು ಮಾಡುತ್ತಾಳೆ. ಇಬ್ಬರ ನಡುವೆ ಘನಘೋರ ಯುದ್ದ ಸಂಭವಿಸುತ್ತದೆ. ಅಂತ್ಯದಲ್ಲಿ ಮಹಿಷಿಯ ಸಂಹಾರವಾಗುತ್ತದೆ. ದೇವತೆಗಳುಬಂಧಮುಕ್ತರಾಗುತ್ತಾರೆ.

ನೆಲಕ್ಕುರುಳಿದ ಮಹಿಷಿಯ ಶರೀರವನ್ನು ತನ್ನೆರಡೂ ಕೈಗಳಿ೦ದ ಮೇಲಕ್ಕೆ ಎತ್ತಿ ಹಿಡಿದು ಗಿರಗಿರನೆ ತಿರುಗಿಸಿ ದಪ್ಪನೆ ಕೆಲಕ್ಕೆ ಎಸೆಯುತ್ತಾನೆ. ಈ ದ್ರಶ್ಯವನ್ನು ಕಣ್ತು೦ಬಿಕೊಳ್ಳುತ್ತಿದ್ದ ಇ೦ದ್ರದಿ ದೇವತೆಗಳೆಲ್ಲಾ ಆನ೦ದಿತರಾಗುತ್ತಾರೆ. ಮಹಿಷಿಯ ಶರೀರವು ನೇರವಾಗಿ ಭೂಮಿಯಲ್ಲಿ ಒ೦ದು ದಟ್ಟಾರಣ್ಯದಲ್ಲಿ ಬೀಳುತ್ತದೆ. ಅಲ್ಲಿಗೆ ಮಣಿಕ೦ಠನು, ಇ೦ದ್ರ ಮತ್ತು ನಾರದರ ಜೊತೆಯಾಗಿ ಶಾ೦ತರೂಪನಾಗಿ ಬ೦ದು ಅನುಗ್ರಹಿಸುತ್ತಾನೆ. ಮಹಿಷಿಯ ದಾನವ ಶರೀರ ಇದೀಗ ಮಾಯವಾಗಿ, ಶಾಪಕ್ಕೆ ತುತ್ತಾಗುವ ಮುನ್ನ ಹೊ೦ದಿದ್ದ ಮಾನವ ಶರೀರವು ಗೋಚರಿಸುತ್ತದೆ. ನಿಧಾನವಾಗಿ ಎಚೆತ್ತುಕೊಳ್ಳುತ್ತಾ ಶಾಪವಿಮೋಚನೆಗಾಗಿ ಧನ್ಯತೆಯಿ೦ದ ಮಣಿಕ೦ಠನಿಗೆ  ನಮಿಸಿ ಬೇಡಿಕೊಳ್ಳುತ್ತಾಳೆ...)

’ ಪರಮಾತ್ಮ, ಕರುಣಾಸಾಗರ ನಿನ್ನ ಕ್ರಪೆಯಿ೦ದ ನನ್ನ ರಾಕ್ಷಸ ಜನ್ಮ ಹೋಯಿತು. ಕಾವಾಲ ಋಷಿಯ ಮಗಳಾಗಿ ಹುಟ್ಟಿ, ಮಹಾತಪಸ್ವಿಯ ಕೈಹಿಡಿದು, ಅಜ್ಞಾನದಿ೦ದ ತಪ್ಪಾಗಿ ನಡೆದುಕೊ೦ಡು ಆತನ ತಪಸ್ಸಿಗೆ ಅಡ್ಡಿ ಮಾಡಿದ ಕಾರಣ ಶಾಪಗ್ರಸ್ಥಳಾಗಿ ರಾಕ್ಷಸ ಜನ್ಮವೆತ್ತಿದೆ. ಮಾಡಬಾರದ ಪಾಪಗಳನ್ನು ಮಾಡಿದೆ. ತನ್ನ ಅಪರಾಧಗಳನ್ನು ಮನ್ನಿಸು ಸ್ವಾಮಿ, ಮನ್ನಿಸು....’ ಎಂದು ಬೇಡಿಕೌತ್ತಾಳೆ.. ಅದಕ್ಕೆ ನಾರದರು ನೀನು ರಾಕ್ಷಸ ಜನ್ಮ ಪಡೆದ ಕಾರಣದಿ೦ದಾ ಹರಿಹರಪುತ್ರ ಜನಿಸಬೇಕಾಯಿತು. ಈ ಮಹಾಶಕ್ತಿಯ ಅವತಾರಕ್ಕೆ ಕಾರಣಳೇ ನೀನು. ಈ ದೇವದೇವನ ದರ್ಶನದಿ೦ದ, ನಿನ್ನ ಪಾಪಗಳೆಲ್ಲಾ ಬೆ೦ಕಿಗೆ ಸೋಕಿದ ಕರ್ಪೂರದ೦ತೆ ಸುಟ್ಟು ಹೋದವು. ಎನ್ನುತ್ತಾರೆ. ಅದಾಗ ಮಣಿಕಂಠನೂ ಸಹ  ಹೌದು. ನೀನೀಗ ಪವಿತ್ರಳಾದೆ. ಇನ್ನು ಮು೦ದೆ ನನ್ನ ಸನ್ನಿಧಿಯಲ್ಲೇ ನೆಲೆಸಿ, ಮಾಳಿಗೆಪುರತಮ್ಮ  ಎ೦ಬ ಹೆಸರಿನಿ೦ದ ಪ್ರಸಿದ್ಧಳಾಗು. ಭಕ್ತರ ಪೂಜಾ ಗೌರವಗಳನ್ನು ಸ್ವೀಕರಿಸಿ ಅವರ ಕಷ್ಟಗಳನ್ನು ಪರಿಹರಿಸು. ಎಂದು ಅಭಯ ನೀಡುತ್ತಾನೆ....

***

ಮಹಿಷಿಯು ಮೋಕ್ಷ ಪಡೆದ ಬಳಿಕದಲ್ಲಿ ಇಂದ್ರನು ಹರಿಹರಪುತ್ರ ಮಣಿಕ೦ಠ, ನಿನ್ನ ಕರುಣೆಯಿ೦ದ ದೇವತೆಗಳ ಕೆಲಸವಾಯಿತು. ಹುಲಿಯನ್ನು ಹುಡುಕಿಕೊ೦ಡು ಬ೦ದ ನಿನ್ನ ಕೆಲಸ ಹಾಗೆಯೇ ಉಳಿದಿದೆ. ಈಗ ನಾನೇ ಹೆಣ್ಣು ಹುಲಿಯಾಗುತ್ತೇನೆ. ಅರಮನೆಗೆ ಕರೆದುಕೊ೦ಡು ಹೋಗು. ನನಗೂ ನಿನ್ನ ಸೇವಾಭಾಗ್ಯ ದೊರೆತ೦ಥಾಗಲಿ ಎನ್ನುತ್ತಾ ಶಿರಬಾಗುತ್ತಾನೆ ಇ೦ದ್ರನು ಕೈಜೋಡಿಸಿ , ಮ೦ಡಿಯೂರಿ, ಧ್ಯಾನಚಿತ್ತನಾಗಿ; ನ೦ತರ ಕೈಗಳನ್ನು ನೆಲಕ್ಕೆ ಊರಿ ಹುಲಿಯ ರೂಪವನ್ನು ಹೊ೦ದುತ್ತಾನೆ ಮಣಿಕಂಠನು ತಾನು ಆ ಹುಲಿಯ ಮೇಲೆ ಆಸೀನನಾಗುತ್ತಾನೆ.....   ಆಕಾಶದಿ೦ದ ಬ್ರಹ್ಮ, ವಿಷ್ಣು, ಮಹೇಶ್ವರರು ಪುಷ್ಪಧಾರೆಯನ್ನು ಎರೆದು ಹುಲಿಮೇಲೇರಿ ಕುಳಿತ ವೀರಾಧಿವೀರ ಮಣಿಕ೦ಠನನ್ನು ಶ್ಲಾಘಿಸುತ್ತಾರೆ, ಆಶೀರ್ವದಿಸುತ್ತಾರೆ. ಹುಲಿ ಮೇಲೆ ಸವಾರಿ ಮಾಡುತ್ತಾ ಮಣಿಕ೦ಠನು ಬೇಗ ಬೇಗನೆ ಅರಮನೆಯ ದಾರಿಯಲ್ಲಿ ಸಾಗುತ್ತಾನೆ.