ರೌಡಿ ಬೇಬಿ ನಿಶಾ ರವಿಕೃಷ್ಣನ್

ವಿನಯ್‌ ರಾಜ್‌ಕುಮಾರ್‌ಗೆ ಜೊತೆಯಾದ 'ಗಮೇಳ' ರೌಡಿ ಬೇಬಿ ನಿಶಾ ರವಿಕೃಷ್ಣನ್, ಇಲ್ಲಿ ತಮ್ಮ ಕುರಿತಾಗಿ ವಿವರವಾಗಿ ಏನು ಹೇಳಿದ್ದಾರೆ ಎಂದು ಗಮನಿಸೋಣವೇ.....?

ಕನ್ನಡ ಕಿರುತೆರೆಯಲ್ಲಿ 'ಗಟ್ಟಿಮೇಳ' ಧಾರಾವಾಹಿಯ ಮೂಲಕ ಜನಪ್ರಿಯರಾದ ನಟಿ ನಿಶಾ ರವಿಕೃಷ್ಣನ್ ಕನ್ನಡ ಜನತೆಗೆ ಚಿರವರಿಚಿತ ಹೆಸರು. ಕಿರುತೆರೆ ಲೋಕದಲ್ಲಿ ತಮ್ಮದೇ ಆದ ಹೆಸರು ಮಾಡಿದ್ದಾರೆ. ಅವರು ನಟಿಸಿದ ಧಾರಾವಾಹಿ 'ಗಟ್ಟಿಮೇಳ'ದ ನಂತರದಲ್ಲಿ ಅವರನ್ನು ಎಲ್ಲರೂ ರೌಡಿ ಬೇಬಿ ಎಂದೇ ಗುರುತಿಸತೊಡಗಿದರು.

ಈ ಹಿಂದೆ ಅಂಶು' ಸಿನಿಮಾದಲ್ಲಿ ಕಾಣಿಸಿಕೊಂಡಿದ್ದ ನಟಿ ಈಗ ವಿನಯ್ ರಾಜ್‌ಕುಮಾರ್, ಅದಿತಿ ಪ್ರಭುದೇವ ಅಭಿನಯದ 'ಅಂದೊಂದಿತ್ತು ಕಾಲ' ಚಿತ್ರದಲ್ಲಿ ಕಾಣಿಸಿಕೊಳ್ಳುತ್ತಿದ್ದಾರೆ. ಅಲ್ಲದೆ ತೆಲುಗು ಧಾರಾವಾಹಿ ಕೂಡ ಮಾಡುತ್ತಿದ್ದಾರೆ. ಈ ಹಿನ್ನೆಲೆಯಲ್ಲಿ ಅವರ ಪುಟ್ಟ ಪರಿಚಯವೊಂದನ್ನು ಇಲ್ಲಿ ಮಾಡಿಕೊಡಲಾಗಿದೆ.

ನಿಶಾ ಹಿನ್ನೆಲೆ

ಸಕಲೇಶಪುರದಲ್ಲಿ ಜನಿಸಿದ ನಿಶಾರ ತಂದೆ ರವಿಕೃಷ್ಣನ್, ತಾಯಿ ಉಷಾ. ತಂದೆ ಮಂಡ್ಯ ಮಕರ ನಾಟಕ ತಂಡದೊಡನೆ ಆಗಾಗ ಭಾಗವಹಿಸುತ್ತಿದ್ದದ್ದು ನಿಶಾರಿಗೆ ರಂಗನಾಟಕ ಹಾಗೂ ಸಾಂಸ್ಕೃತಿಕ ಚಟುವಟಿಕೆಗಳಲ್ಲಿ ಭಾಗವಹಿಸಲು ಪ್ರೇರಣೆಯಾಗಿತ್ತು, ಅವರು ಕರ್ನಾಟಕ ಸಂಗೀತ ಮತ್ತು ಭರತನಾಟ್ಯದಲ್ಲಿ ತರಬೇತಿ ಪಡೆದಿದ್ದು, ಶಾಲಾ ದಿನಗಳಲ್ಲೇ ಚಿಂಟು ಟಿವಿಯ ಕಾರ್ಯಕ್ರಮ ಒಂದರಲ್ಲಿ ಕಾಣಿಸಿಕೊಂಡಿದ್ದರು.

'ಇಷ್ಟಕಾಮ್ಯ' ಸಿನಿಮಾಯದ 'ನೀ ನನಗೋಸ್ಕರ' ಹಾಡಿನಲ್ಲಿ ಬ್ಯಾಕ್ ಡ್ಯಾನ್ಸರ್ ಆಗಿ ಅಭಿನಯಿಸಿದ್ದ ನಿಶಾ, 'ಸರ್ವ ಮಂಗಲ ಮಾಂಗಲ್ಯ' ಧಾರಾವಾಹಿಯಲ್ಲಿ ಮೊದಲ ಬಾರಿಗೆ ಬಣ್ಣ ಹಚ್ಚಿದ್ದರು. 2018-19ರಲ್ಲಿ ಸ್ಟಾರ್ ಸುವರ್ಣದಲ್ಲಿ ಈ ಧಾರಾವಾಹಿ ಪ್ರಸಾರವಾಗಿತ್ತು, ನಂತರ ಅವರು 2019-24ರ ನಡುವ 'ಗಟ್ಟಿಮೇಳ' ಧಾರಾವಾಹಿಯಲ್ಲಿ ಕಾಣಿಸಿಕೊಂಡರು. 

ತೆಲುಗು ಧಾರಾವಾಹಿಗಳಲ್ಲಿ ಪಾತ್ರ

ಈ ನಡುವೆ ತೆಲುಗಿನಲ್ಲಿ 'ಗೀತಾ' ಧಾರಾವಾಹಿಯಲ್ಲಿ ಅಭಿನಯಿಸಿದ್ದ ಅವರು, ಈಗ 'ಅಮ್ಮಾಯಿಗಾರು' ಹಾಗೂ 'ಅಣ್ಣಯ್ಯ' ಧಾರಾವಹಿಗಳಲ್ಲಿ ನಟಿಸುತ್ತಿದ್ದಾರೆ. 'ಅಣ್ಣಯ್ಯ' ಧಾರಾವಹಿಯ ಪಾರು/ಪಾರ್ವತಿ ಪಾತ್ರ ಕನ್ನಡಿಗರ ಮನಗೆದಿದ್ದೆ.

ನಿಶಾ ಪವರ್ ಸ್ಟಾರ್ ಪುನೀತ್ ರಾಜ್‌ಕುಮಾರ್‌ರ ದೊಡ್ಡ ಅಭಿಮಾನಿಯಾಗಿದ್ದಾರೆ. ಧಾರಾವಾಹಿಗಳಲ್ಲಿ ಜೋರು ಅಥವಾ ಬಜಾರಿ ಪಾತ್ರದಲ್ಲಿ ಕಾಣಿಸಿಕೊಳ್ಳುವ ನಿಶಾ ನಿಜ ಜೀವನದಲ್ಲಿ ತುಂಬಾ ಸೈಲೆಂಟ್ ಹುಡುಗಿ. ಇನ್ನು ಅವರು ತೆಲುಗು ಧಾರಾವಾಹಿಗಳಲ್ಲಿ ಅಭಿನಯಿಸಲು ತೆಲುಗು ಕಲಿತದ್ದು ಹೇಗೆ?

ತೆಲುಗು ಕಲತ ಬಗೆ

“ನಂಗೆ ತೆಲುಗು ಬಗ್ಗೆ ಏನು ಎಂದರೆ ಏನೂ ಗೊತ್ತಿರಲಿಲ್ಲ. ತೆಲುಗಿನ ಕೆಲವೇ ಕೆಲವು ಶಬ್ದಗಳು ತಿಳಿದಿದ್ದವು. ಆರಂಭದಲ್ಲಿ ತುಂಬಾ ಕಷ್ಟ ಆಯ್ತು. ಕನ್ನಡ ನಿರರ್ಗಳವಾಗಿ ಮಾತನಾಡಬಲ್ಲೆ. ಇಲ್ಲಿ ನನಗೆ ಹೊಂದಾಣಿಕೆ ಆಗಿತ್ತು.

“ನಾವು ಇಲ್ಲಿ ಲೈವ್ ಶೂಟ್ ಮಾಡುತ್ತೇವೆ. ಹಾಗೆಯೇ ಆಡಿಯೋ ಕ್ಯಾಪ್ಟರ್ ಆಗುತ್ತದೆ. ಅಲ್ಲಿ ಪ್ರಾಂಪ್ಟಿಂಗ್ ಇರುತ್ತಿತ್ತು. ಅದು ನನಗೆ ಹೊಸದು. ಅವರ ಜೊತೆ ನಾವು ಹೇಳಬೇಕು. ಇದು ಕಷ್ಟ ಆಯ್ತು. ಭಾಷೆ ಗೊತ್ತಿಲ್ಲ, ಅವರ ಲಿಪ್ ರೀಡ್ ಮಾಡಿ ಭಾಷೆ ಕೇಳಿ ಹೀಗೆ ಭಾಷೆ ಕಲಿತೆ,' ಎನ್ನುತ್ತಾರೆ.

ನಿಶಾ ಇತ್ತೀಚೆಗೆ ಹೊಸ ಮನೆಯ ಗೃಹಪ್ರವೇಶ ಸಹ ನೆರವೇರಿಸಿದ್ದಾರೆ. ನಿಶಾರಿಗೆ ಚೆಂದದ ಮನೆ ಕಟ್ಟಿಸಬೇಕು ಎನ್ನುವುದು ಬಹು ದಿನಗಳ ಕನಸಾಗಿತ್ತು. ಅದನ್ನು ಕಳೆದ ಮೇ 9ರಂದು ಗೃಹಪ್ರವೇಶ ನಡೆಸುವ ಮೂಲಕ ನನಸು ಮಾಡಿಕೊಂಡಿದ್ದಾರೆ. 

ಮದುವೆಯಾಗುವ ಹುಡುಗ

ನಿಶಾ ಮದುವೆಯಾಗುವ ಹುಡುಗ ಹೇಗಿರಬೇಕೆಂದು ಮನಬಿಚ್ಚಿ ಹೇಳಿಕೊಂಡಿದ್ದರು- ಅಷ್ಟೆಲ್ಲಾ ದೊಡ್ಡ ಲಿಸ್ಟ್ ಏನೂ ಇಲ್ಲ ಎಲ್ಲಾ ಹುಡುಗಿಯರೂ ಬಯಸೋ ಥರ ಇದ್ದರಾಯಿತು, ಜಾಸ್ತಿ ನಿರೀಕ್ಷೆ ಮಾಡಲ್ಲ. ಚೆನ್ನಾಗಿ ನೋಡಿಕೊಳ್ಳಬೇಕು ಎಂದು ಅವರು ತನ್ನ ಕನಸಿನ ಹುಡುಗನ ಬಗ್ಗೆ ಮಾತನಾಡುತ್ತಿದ್ದರು.

ಇದಾಗಿ ತಮ್ಮ ಮುಂಬರುವ ಚಲನಚಿತ್ರದ ಕುರಿತು ಮಾತನಾಡಿದ ನಟಿ ನಿಶಾ, 'ಅಂದೊಂದಿತ್ತು ಕಾಲ' ಚಿತ್ರದಲ್ಲಿ ನನ್ನ ಪಾತ್ರ ಚಿಕ್ಕದಾಗಿದ್ದರೂ ಅದು ತೂಕವನ್ನು ಹೊಂದಿದೆ. ನಿರ್ದೇಶಕರು, ನಿರ್ಮಾಪಕರು ತುಂಬಾ ಸಹಕಾರ ನೀಡಿದ್ದಾರೆ.

ಅದೇ ರೀತಿ ನಟ ವಿನಯ್ ರಾಜ್‌ಕುಮಾರ್ ಜೊತೆ ಅಭಿನಯಿಸಿದ್ದು ಖುಷಿ ತಂದಿದೆ. ಸುಂದರ ಪ್ರಮುಖ ಪಾತ್ರವಾಗಿದ್ದು, ಖಂಡಿತಾ ಈ ಚಿತ್ರ ಎಲ್ಲರಿಗೂ ಇಷ್ಟವಾಗುತ್ತದೆ,' ಎಂದಿದ್ದಾರೆ.

 ಅಂದೊಂದಿತ್ತು ಕಾಲ

ಭುವನ್ ಮೂವಿಸ್ ಬ್ಯಾನರ್‌ನ ಭುವನ್ ಸುರೇಶ್‌ ನಿರ್ಮಾಣದ ಕೀರ್ತಿ ಕೃಷ್ಣಪ್ಪ ನಿರ್ದೇಶನದ 'ಅಂದೊಂದಿತ್ತು ಕಾಲ' ಚಲನಚಿತ್ರ ಸುಂದರವಾಗಿ ಮೂಡಿ ಬಂದಿದೆ. ಈ ಚಿತ್ರ 90ರ ಕಾಲಘಟ್ಟದ ಕಥೆ ಹೊಂದಿದೆ. ಇಲ್ಲಿ ಈಕೆ, ನಾಯಕ ವಿನಯ್ ರಾಜ್‌ಕುಮಾರ್ ಜೊತೆ 10ನೇ ತರಗತಿ ವಿದ್ಯಾರ್ಥಿನಿಯಾಗಿ ಅಭಿನಯಿಸಿದ್ದಾರೆ. ಚಿತ್ರದಲ್ಲಿ ವಿನಯ್‌ ರಾಜ್‌ಕುಮಾರ್ ಮತ್ತು ಅದಿತಿ ಜೊತೆಗೆ ನಿಶಾ ರವಿಕೃಷ್ಣನ್, ಜಗ್ಗಪ್ಪ, ಅರುಣಾ ಬಾಲರಾಜ್ ಮುಂತಾದವರು ನಟಿಸಿದ್ದು, ರವಿಚಂದ್ರನ್ ಅತಿಥಿ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ.

ಬೆಂಗಳೂರು, ತೀರ್ಥಹಳ್ಳಿ ಮುಂತಾದ ಕಡೆ ಚಿತ್ರದ ಚಿತ್ರೀಕರಣವಾಗಿದೆ. ನಿಶಾರಿಗೆ ಈ ಸಿನಿಮಾ ಮೂಲಕ ಮತ್ತಷ್ಟು ಅವಕಾಶ ಸಿಕ್ಕಲಿ, ಆ ಮೂಲಕ 'ಗಟ್ಟಿಮೇಳ'ದ ನಟಿ ಕನ್ನಡ ಚಿತ್ರರಂಗದಲ್ಲಿ ಗಟ್ಟಿಯಾಗಿ ನೆಲೆಯೂರಲಿ ಎಂದು ಗೃಹಶೋಭಾ ಹಾರೈಸುತ್ತಾಳೆ.

ಆಗಸ್ಟ್ 2025  ತಿಂಗಳ ಗೃಹ ಶೋಭಾ ಮಾಸಪತ್ರಿಕೆಯಲ್ಲಿ... ನನ್ನ ಲೇಖನ ಪ್ರಕಟವಾಗಿದೆ..,.