ಪಾಕಿಸ್ತಾನದಲ್ಲಿ ಭಗವಾನ್ ವಿಷ್ಣುವಿನ 1,300 ವರ್ಷಗಳ ಪುರಾತನ ದೇವಾಲಯ ಪತ್ತೆ!

 1,300 ವರ್ಷಗಳ ಹಿಂದೆ ನಿರ್ಮಿಸಲಾಗಿದೆ ಎನ್ನಲಾದ  ಶ್ರೀವಿಷ್ಣುವಿಗೆ ಸೇರಿದ ಹಿಂದೂ ದೇವಾಲಯವು ವಾಯುವ್ಯ ಪಾಕಿಸ್ತಾನದ ಸ್ವಾತ್ ಜಿಲ್ಲೆಯ ಪರ್ವತ ಪ್ರಾಂತ್ಯದಲ್ಲಿ ಪತ್ತೆಯಾಗಿದೆ. ಪಾಕಿಸ್ತಾನ ಹಾಗೂ ಇಟಾಲಿಯನ್ ಪುರಾತತ್ವ ತಜ್ಞರು ಈ ದೇವಾಲಯವನ್ನು ಪತ್ತೆ ಹಚ್ಚಿದ್ದಾರೆ.

ಬ್ಯಾರಿಕೋಟ್ ಘುಂಡೈನಲ್ಲಿ ಉತ್ಖನನ ನಡೆಸಿದಾಗ ಈ ದೇವಾಲಯ ಪತ್ತೆಯಾಗಿದೆ.

ಇದೊಂದು ವಿಷ್ಣುವಿನ ದೇವಾಲಯವಾಗಿದ್ದು ಇದನ್ನು ಹಿಂದೂಶಾಹಿ ಅವಧಿಯಲ್ಲಿ1,300 ವರ್ಷಗಳ ಹಿಂದೆ ನಿರ್ಮಾಣ ಮಾಡಿದ್ದಾಗಿ ಖೈಬರ್ ಪಖ್ತುನ್ಖ್ವಾ ಪುರಾತತ್ವ ವಿಭಾಗದ ಫಜಲ್ ಖಲೀಕ್ ಹೇಳಿದ್ದಾರೆ.

ಹಿಂದೂ ಶಾಹಿಸ್ ಅಥವಾ ಕಾಬೂಲ್ ಶಾಹಿಸ್ (ಕ್ರಿ.ಶ. 850 1026) ಕಾಬೂಲ್ ಕಣಿವೆ (ಪೂರ್ವ ಅಫ್ಘಾನಿಸ್ತಾನ), ಗಾಂಧಾರ (ಆಧುನಿಕ ಕಾಲದ ಪಾಕಿಸ್ತಾನ, ಅಫ್ಘಾನಿಸ್ತಾನ) ಮತ್ತು ಇಂದಿನ ವಾಯುವ್ಯ ಭಾರತವನ್ನು ಆಳಿದ ಹಿಂದೂ ರಾಜವಂಶ.

ತಮ್ಮ ಉತ್ಖನನದ ಸಮಯದಲ್ಲಿ, ಪುರಾತತ್ತ್ವಜ್ಞರು ದೇವಾಲಯದ ಸಮೀಪ ಕಂಟೋನ್ಮೆಂಟ್ ಮತ್ತು ವಾಚ್‌ಟವರ್‌ಗಳ ಕುರುಹುಗಳನ್ನು ಸಹ ಕಂಡುಕೊಂಡಿದ್ದಾರೆ. ದೇವಾಲಯದ ಸ್ಥಳದ ಬಳಿ ನೀರಿನ ಬಾವಿಯನ್ನು ತಜ್ಞರು ಕಂಡುಕೊಂಡರು, ಅದನ್ನು ದೇವಾಲಯದಲ್ಲಿ ದೇವರ ಪೂಜೆಗೆ ಮುನ್ನ ಸ್ನಾನಕ್ಕಾಗಿ ಬಳಸಲಾಗುತ್ತಿತ್ತು.

ಸ್ವಾತ್ ಜಿಲ್ಲೆಯು ಸಾವಿರ ವರ್ಷಗಳಷ್ಟು ಹಳೆಯದಾದ ಪುರಾತತ್ವ ಸ್ಥಳಗಳಿಗೆ ನೆಲೆಯಾಗಿದೆ ಮತ್ತು ಹಿಂದೂ ಶಾಹಿ ಕಾಲದ ಕುರುಹುಗಳು ಈ ಪ್ರದೇಶದಲ್ಲಿ ಮೊದಲ ಬಾರಿಗೆ ಕಂಡುಬಂದಿವೆ ಎಂದು ಫಜಲ್ ಖಲೀಕ್ ಹೇಳಿದ್ದಾರೆ. ಸ್ವಾತ್ ಜಿಲ್ಲೆಯಲ್ಲಿ ಪತ್ತೆಯಾದ ಗಾಂಧಾರ ನಾಗರಿಕತೆಯ ಮೊದಲ ದೇವಾಲಯ ಇದಾಗಿದೆ ಎಂದು ಇಟಾಲಿಯನ್ ಪುರಾತತ್ವ ಕಾರ್ಯಾಚರಣೆಯ ಮುಖ್ಯಸ್ಥರಾದ ಡಾ. ಲೂಕ ಹೇಳಿದರು

ಬೌದ್ಧಧರ್ಮದ ಹಲವಾರು ಪೂಜಾ ಸ್ಥಳಗಳು ಸ್ವಾತ್ ಜಿಲ್ಲೆಯಲ್ಲಿವೆ. ತಾಲಿಬಾನ್ ಬಂಡುಕೋರರ ಅಂತ್ಯದ ನಂತರ , "ಪುರಾತತ್ವ, ಸಮುದಾಯ, ಪ್ರವಾಸೋದ್ಯಮ-ಕ್ಷೇತ್ರ ಶಾಲೆ" (ಎಸಿಟಿ) ಎಂಬ ಜಂಟಿ ಇಟಾಲಿಯನ್-ಪಾಕಿಸ್ತಾನಿ ಯೋಜನೆಯು 2011 ರಲ್ಲಿ ಸುಮಾರು 300 ಕಾರ್ಮಿಕರ ಸ್ಥಳೀಯ ಸಿಬ್ಬಂದಿಯನ್ನು ನೇಮಿಸಿ ತರಬೇತಿ ನೀಡುವ ಮೂಲಕ ಉತ್ಖನನ ಕಾರ್ಯವನ್ನು ಪುನರಾರಂಭಿಸಿತು.

ಯೋಜನೆ ಪ್ರಾರಂಭವಾದ ಐದು ವರ್ಷಗಳ ನಂತರ, ಈ ತಾಣಗಳನ್ನು ISMEO / ACTನ ವ್ಯಾಪ್ತಿಯಡಿ ತರಲಾಯಿತು ಮತ್ತು ಈಗ ಪ್ರತಿವರ್ಷ ಇಲ್ಲಿಗೆ 30,000 ಪ್ರವಾಸಿಗರು ಭೇಟಿ ನೀಡುತ್ತಾರೆ(ಹೆಚ್ಚಾಗಿ ಪಾಕಿಸ್ತಾನಿಗಳು ಮಾತ್ರ)

ಬ್ಯಾರಿಕೋಟ್ ಘುಂಡೈ ವ್ಯಾಪ್ತಿಯಲ್ಲಿ ಹಿಂದೂ ದೇವಾಲಯ ಉತ್ಖನನ ಹಲವಾರು ವರ್ಷಗಳಿಂದ ಸಾಗಿದೆ. ಈಗ ಖೈಬರ್-ಪಖುನ್ಖ್ವಾ ಸರ್ಕಾರದ ಪುರಾತತ್ವ ಮತ್ತು ವಸ್ತುಸಂಗ್ರಹಾಲಯಗಳ ನಿರ್ದೇಶನಾಲಯವು ಸುಮಾರು 3 ಮಿಲಿಯನ್ ಯುರೋಗಳ ಆರ್ಥಿಕ ನೆರವಿನೊಂದಿಗೆ ಈ ಪ್ರದೇಶದ ಉತ್ಖನನದ ಜವಾಬ್ದಾರಿ ಹೊತ್ತಿದೆ.

ವಾಸ್ತುಶಿಲ್ಪಿಗಳಾದ ಇವಾನೋ ಮರಾಟಿ ಮತ್ತು ಕ್ಯಾಂಡಿಡಾ ವಾಸಲ್ಲೊ ಅವರು ರಚಿಸಿದ ಹೊಸ ಸ್ವಾತ್ ಮ್ಯೂಸಿಯಂ ಇಡೀ ಯೋಜನೆಯ ಹೃದಯಭಾಗವಾಗಿದೆ.ಎಂಜಿನಿಯರ್ ಕ್ಲಾಡಿಯೊ ಕ್ರಿಸ್ಟಿಲ್ಲಿ (ಐರಿಸ್-ಫೆಡೆರಿಕೊ II ನೇಪಲ್ಸ್ ವಿಶ್ವವಿದ್ಯಾಲಯ) ಮತ್ತು ಪೇಶಾವರ ಎಂಜಿನಿಯರಿಂಗ್ ಮತ್ತು ತಂತ್ರಜ್ಞಾನ ವಿಶ್ವವಿದ್ಯಾಲಯದ ಎಂಜಿನಿಯರ್‌ಗಳ ಸಹಯೋಗದೊಂದಿಗೆ.

ಫೆಬ್ರವರಿ 2008 ರ ಸಮಯದಲ್ಲಿ, ಕಟ್ಟಡದ ಒಂದು ಭಾಗವನ್ನು ನೆಲಸಮ ಮಾಡಲಾಗಿ ಅದನ್ನು ಮತ್ತೆ ಪುನರುಜ್ಜೀವನಗೊಳಿಸಿ ಹೊಸ ಕಟ್ಟಡದಲ್ಲಿ ಸೇರಿಸಲಾಗಿತ್ತು.

ನೂತನ ವಸ್ತುಸಂಗ್ರಹಾಲಯವನ್ನುಭೂಕಂಪನ ವಿರೋಧಿ ಪರಿಕಲ್ಪನೆಯ ಪ್ರಕಾರ ವಿನ್ಯಾಸಗೊಳಿಸಲಾಗಿದೆ, ಇದು ರಚನಾತ್ಮಕ ದೃಷ್ಟಿಕೋನದಿಂದ ಕೂಡಿದೆ. ಪಾಕಿಸ್ತಾನದಲ್ಲಿ ಈ ರೀತಿಯ ಅತ್ಯಾಧುನಿಕ ಕಟ್ಟಡವಿದಾಗಿದೆ. 

ಸ್ವಾಟ್ ಮ್ಯೂಸಿಯಂ, ಇದನ್ನು ನವೆಂಬರ್ 10, 1963 ರಂದು ಗೈಸೆಪೆ ಟುಸಿ ಅವರು ಗಣರಾಜ್ಯದ ಅಧ್ಯಕ್ಷ ಆಂಟೋನಿಯೊ ಸೆಗ್ನಿಯ ಸಂದೇಶವನ್ನು ಓದುವುದರೊಂದಿಗೆ ಉದ್ಘಾಟಿಸಿದರು. 11 ನವೆಂಬರ್ 2013 ರಂದು, ನಿಖರವಾಗಿ 50 ವರ್ಷಗಳ ನಂತರ ಅಧ್ಯಕ್ಷ ನ್ಯಾಪೊಲಿಟಾನೊ ಅವರ ಸಂದೇಶವನ್ನು ಓದುವುದರೊಂದಿಗೆ ನೂತನ ಸ ವಸ್ತುಸಂಗ್ರಹಾಲಯವನ್ನು ಉದ್ಘಾಟಿಸಲಾಯಿತು.