ಕಾಂತಾರದ ಕೋಣಗಳಿಗೆ ಬೆಂಗಳೂರು ಕಂಬಳದಲ್ಲಿ ಪ್ರಶಸ್ತಿ

 ಬೆಂಗಳೂರಿನಲ್ಲಿ ನಡೆದ " ಬೆಂಗಳೂರು ಕಂಬಳ ನಮ್ಮ ಕಂಬಳ" ದಲ್ಲಿ "ಕಾಂತಾರ" ಚಿತ್ರದಲ್ಲಿ ರಿಷಬ್ ಶೆಟ್ಟಿ ಓಡಿಸಿದ್ದ ಕೋಣಗಳು ಪ್ರಶಸ್ತಿ ಗೆದ್ದುಕೊಂಡಿವೆ.

ರಿಷಬ್ ಶೆಟ್ಟಿ ಓಡಿಸಿದ್ದ ಅಪ್ಪು-ಕಿಟ್ಟು ಎಂಬ ಕೋಣಗಳು ಕನೆಹಲಗೆ ವಿಭಾಗದಲ್ಲಿ ಪ್ರಶಸ್ತಿ ಜಯಿಸಿದೆ. ಕೋಣಗಳ ಮಾಲೀಕರಾದ ಬೈಂದೂರು ಮೂಲದ ಪರಮೇಶ್ವರ ಭಟ್  ಕೋಣಗಳಿಗೆ ಪ್ರಶಸ್ತಿ ಸಿಕ್ಕಿರುವುದಕ್ಕೆ ಖುಷಿ ಹಂಚಿಕೊಂಡರು.  ಇವರ ಕೋಣಗಳು ಕಂಬಳ ಓಟದಲ್ಲಿ ಆರೂವರೆ ಅಡಿ ನೀರು ಚಿಮ್ಮಿಸುವ ಮೂಲಕ ಮೊದಲ ಸ್ಥಾನ ಗಳಿಸಿದ್ದವು.

ಕಾಂತಾರ ಸಿನಿಮಾದಲ್ಲಿ ಇದೇ ಕೋಣಗಳನ್ನು ಓಡಿಸಿ ರಿಷಬ್ ಶೆಟ್ಟಿ ಪ್ರಶಸ್ತಿ ಗೆಲ್ಲುವ ದ್ರ್‍ಶ್ಯವಿದೆ. ಆದರೆ ಬೆಂಗಳುರು ಕಂಬಳದಲ್ಲಿ ಈ ಕೋಣಗಳು ನಿಜವಾಗಿಯೂ ಪ್ರಶಸ್ತಿ ಗಳಿಸಿರುವುದು ಕರಾವಳಿಗರಾದ ನಮಗೆಲ್ಲಾ ಹೆಮ್ಮೆಯ ಸಂಗತಿ.